ताजा अपडेट :

नेपाल बैंकको सेवा बिहान देखि बेलुका सम्म

नेपाल बैंकको सेवा बिहान देखि बेलुका सम्म
पर्वत, १६ असोज
    दशैंको समयमा ग्राहकले घण्टौ सम्म लाइन लाग्ने समस्या भएपछि नेपाल बैंक लिमिटेड पर्वतले बिहान देखि सेवा शुरु गरेको छ।     ग्राहकको सुबिधालाई ध्यानमा राखेर नेपाल बैंकले बिहान ७।३० बजे देखि ९।३०े सम्मका लागि सेवा सुरु गरेको हो ।

    नेपाल बैंक लिमिटेड पर्वतले दिएको जानकारी अनुसार बिहान ७।३० बजे देखि नै कार्यालय शुरु गरिएको छ अघिल्ला बर्षहरुमा दशैको समयमा बैंकमा चेक सटहीका लागि घण्टौ लाइनमा बस्नुपर्ने अवस्थाको अन्त्य गर्न बिहान देखि सेवा दिन थालिएको बैंकका शाखा प्रबन्धक यज्ञमुर्ति बस्यालले बताउनुभयो । ‘ग्राहकले चेक सटहीका लागि घण्टौ सम्म लाइनमा बस्न नपर्ने गरी ब्यबस्था मिलाएका छौ’ उहाँले भन्नुभयो ।

    बैंकमा दशैको समयमा दैनिक १ हजार सम्म ग्राहक आउने गर्छन । जिल्लाका सबै सरकारी कार्यालय, बिकास निर्माणका काम र सामुदायिक बिद्यालयका शिक्षकहरुको तलब समेत भुक्तानी हुने भएकाले चाडबाडका समयमा बढी चाप हुने गरेको छ। यस बर्ष जिल्लाका सामुदायिक बिद्यालयका सबै शिक्षकको निजी खाताबाट तलब भुक्तानी गरिने भएकाले थप भीड हुन सक्छ ।

 

 

प्रमुख समाचार

रेडियोकर्मी परिचय

भिडियो संग्रह