सर्वोच्चको आदेश लत्याउँदै  जिल्ला अस्पताल पर्वत अझै  सञ्चालनमा आएन सरकारी फार्मेसी

फाल्गुण ७ पर्वत

नेपाल  सरकार सर्वोच्च अदालतले २०७२ साल असार मसान्त सम्ममा मुलुकभरका जिल्ला, अञ्चल र क्षेत्रिय अस्पतालहरुलाई आफै फार्मेसी सञ्चालन गर्न आदेश जारी गरेको थियो । त्यसलगत्तै असार २९ को मन्त्रिपरिषदले सबै अस्पतालहरुलाई अदालतको आदेश कार्यान्वयन गर्न आदेश पनि दिएको हो । तर पर्वत अस्पतालमा भने अझैसम्म साझा स्वास्थ्य सेवाका नामा रहेको फार्मेसी सञ्चालन भइरहेको छ ।

 नीजि फार्मेसी सञ्चालकबाट औषधीमा एकरुपता नहुने, बिरामी ठगिने लगायतका समस्याबाट सर्वसाधारणलाई मुक्ति दिन अदालत र सरकारले उक्त निर्णय गरेको  भएपनि  पर्वत अस्पतालले आदेश पालना गरेको छै्रन ।  अस्पताल विकास समीतीले दुई वर्षका लागि सम्झौता गरेको भन्दै साझा फार्मेसी नहटाएको जनाइएको हो ।  सम्झौतामा अस्पताल प्रशासनले ‘एक महिनाअघि सुचना दिएर हटाउन सकिने’ बु“दा भए पनि प्रशासन त्यसतर्फ अग्रसरता देखाएको छैन । यता जिल्ला अस्पताल पर्वतले भने विरामीको आवश्यकतालाई मध्य नजर गर्दै साझा फार्मेसी नहटाएको जनाएको छ ।नेपाल सरकारको स्रोतले मात्र औषधीको माग पुरा नहुने भन्दै अहीले सम्म अस्पताल हाता भित्रको निजी फार्मेसी हटाउन नसकीएको अस्पताल प्रमुख फडिन्द्र बरालले बताउनु भयो ।अस्पताल स्रोतका अनुसार साझा स्वास्थ्य सेवाको फार्मेसी र प्रशासनबिचको आर्थिक लेनदेन हुनेगरेका कारण अस्पतालले फार्मेसी चलाउने सक्रियता देखाउन नसकेको हो ।

  अस्पताल प्रशासनलाई बिक्रि भएको औषधीको ३ प्रतिशत रकम दिनेगरेको साझाको फार्मेसी सञ्चालक कृष्णराज दाहाल स्वीकार गर्नूभयो । सबै औषधीमा १४ प्रतिशत मुनाफा लिने दाबी गरेकोमा पा“च प्रतिशत बिरामीलाई छुट, ३ प्रतिशत अस्पताललाई बुझाएर बा“की रहेको ६ प्रतिशतबाट कर्मचारी व्यवस्थापन गर्दै आएको साझाले जनाएको छ । अस्पताल हाता भित्रको साझाले दैनिक १२ हजार सम्मको औषधी बिक्रि हु“दै आएको जनाएको छ ।

अस्पताल प्रशासनले फार्मेसी सञ्चालनका लागि तयारी भइरहेकोले यहि पुष मसान्त भित्र सञ्चालनमा ल्याउन सकिने जनाएको भएपनि अहीले सम्म साझाले नै विरामीहरुलाई औषधि विक्रि वितरण गर्दै आएको हो ।