ताजा अपडेट :

शनिवारपनि पर्वत सदरमुकाम कुश्माबजारका पसलहरु खुलाउने निर्णय

शनिवारपनि पर्वत सदरमुकाम कुश्माबजारका पसलहरु खुलाउने निर्णय
पर्वत १५ असोज

पर्वत सदरमुकाम कुश्मामा शनिवार पनि बजार खुलै रहने भएको छ । पर्वत उद्योग वाणिज्य संघले नजिकिदै गरेका चाडवाडलाई लक्षित गर्दै असोज १५ गते देखि कार्तिक २० गतेसम्म पसल खोल्ने निर्णय गरेको हो । नेपालीहरुको महान पर्व विजयादशमी तथा शुभ दिपावली, छठ जस्ता पर्वको अवसर पारेर संघले शनिवार बन्द हुदै आएका पसलहरु असोज १५ गतेदेखि लागु हुने गरी कार्तिक २० गतेसम्म खुला गर्ने निर्णय गरेको संघका अध्यक्ष हरिओम शर्मा लामिछानेले जानकारी दिनुभयो ।
पर्वत उद्योग बाणिज्य संघको हालै सम्पन्न बैठकले उक्त निर्णय गरेको संघका अध्यक्ष लामिछानेले जानकारी दिनुभयो । उनका अनुसार ब्यवसायी र ग्राहकहरुको समेत मागलाई मध्यनजर गर्दै संघले यस्तो निर्णय गरेको हो ।
चाडवाडको समयमा पसलहरुमा सामानको किनबेचको दर बढ्ने भएकाले शनिवार समेत पसल खुल्नाले ग्राहकलाई बढि फाइदा पुग्ने पर्वत उद्योग बाणिज्य संघका बाणिज्य उपाध्यक्ष केदारनाथ शर्माको भनाई छ । पर्वत सदरमुकाम कुश्माबजारमा दशै तिहार बाहेक अन्य समयमा भने शनिवार बन्द हुँदै आएको छ । साताभर व्यपार गर्दा पसल सरसफाई लगायत व्यापारीले अन्य कामहरु गर्न सहज होस् भनेर बजार बन्द गरिदै आएको थियो

प्रमुख समाचार

रेडियोकर्मी परिचय

भिडियो संग्रह