कर्मचारी अभावमा सेवा प्रभावित

असोज ४,म्याग्दी

नेपाल विद्युत् प्राधिकरण म्याग्दी वितरण केन्द्रमा दरबन्दी अनुसारका कर्मचारी नहुँदा सेवा प्रवाहमा समस्या भएको छ । प्रशासन र प्राविधिक तर्फका दरबन्दी अनुसारका कर्मचारीको अभाव हुँदा मिटर रिडिङ, महसुल सङ्कलन, प्रशासनिक र विद्युत् लाइन विस्तार तथा मर्मत कार्यमा कठिनाइ भएको हो । विभिन्न तहमा ३१ जना प्रविधिज्ञ र २२ जना प्रशासनतर्फका कर्मचारीको दरबन्दी रहेको केन्द्रमा हाल दरबन्दी तथा करारका गरी ३३ जना मात्र कार्यरत रहेको कार्यालय प्रमुख सीताराम शाहले बताउनुभयो । प्राविधिकतर्फ १४ र प्रशासनतर्फका पाँचजना स्थायी दरबन्दीका कर्मचारी कार्यरत छन् । एघार मिटर रिडरको दरबन्दी भएकामा दुई जना मात्र कार्यरत छन् ।  कर्मचारी अभावमा कार्यालयको प्रशासन सञ्चालनका साथसाथै विद्युत् लाइन मर्मत, विस्तार, मिटर रिडिङ लगायतका काममा ढिलाइ हँुदा सेवाग्राही मर्कामा परेका छन् ।