मतदाता नामावली संकलन अभियान शुरु
पुस २९,पर्वत
सरकारले स्थानिय निकायको निर्वाचनको मिति तोक्ने तयारी गर्दैगर्दा पर्वतमा अर्को चरणको मतदाता नामावली संकलन अभियान शुरु भएको छ ।
जिल्ला निर्वाचन कार्यालय पर्वतले फोटो सहितको मतदाता नामावली संकलन तथा अद्याबधिक गर्न थालेको हो । संविधानसभाको दोस्रो निर्वाचनमा  भन्दा अघि संकलन गरिएका नामहरुमाथि दावी विरोध तथा अद्यावधिक गर्ने र उमेर पुगेका वा छुटेकाहरुको नाम पुनः संकलन गर्नेगरी अभियान शुरु गरिएको जिल्ला निर्वाचन अधिकारी लक्षु शर्माले जानकारी दिनुभयो ।
सहायक नाम दर्ता अधिकारीको रुपमा रहेका सचिबहरुलाई आ–आफ्नो क्षेत्रमा रहेको मतदाताहरुको नामावली संकलन गर्ने तथा अद्यावधिक गर्नका लागि परिचालन गरिने भएको हो । उनिहरुलाई गाविस, वडा र घरदैलो अभियान समेत संचालन गरेर कोहिपनि मतदाता मतदान गर्नबाट बञ्चित नहोस् भनेर तल्लो तहसम्म परिचालन भएको छ