मोदीवेणीका वृद्धवृद्धालाई लत्ता तथा खाद्यान्न वितरण
पुस २९,पर्वत

मोदीवेणी दिव्यधाममा आश्रय लिई बसेका वृद्धवृद्धालाई एक व्यक्तिले खाद्यान्न तथा लत्ता कपडा वितरण गरेका छन् । शंकरपोखरी ५ रुग्दीका रामकृष्ण रेग्मीले आफ्नी आमा स्व. देवकुमारी रेग्मीको २२ औँ पुण्यतिथीको अवसरमा दिव्यधाममा शरण लिई बसेका वृद्धवृद्धालाई खाद्य तथा लत्ता वितरण गरेका हुन् । आफ्नी आमाको निधनको २२ औँ पुण्यतिथीको अवसरमा उनले १६ जना वृद्धवृद्धालाई १६ केजी चिनी, चियापत्ती तथा प्रत्येकलाई एक÷एक ओटा न्यानो टोपी वितरण गरेका हुन् ।अल्पायुमै निधन भएकी आमाको स्मृति गर्दै रेग्मीले वृद्धको सहयोगमार्फत आमाको आत्माशान्तिको कामना गरेका थिए । यसले आफूलाई आत्मसन्तुष्टि भएको समेत उनले बताए । साथै उनले आश्रय लिएर बसेका वृद्धवृद्धालाई सबैले सहयोग गर्न समेत अनुरोध गरेका थिए ।