पर्वतको कुस्मामा भिरबाट लडेर मृत्यु
पर्वत,११पुस
पर्वत(नेस) पर्वत जिल्लाको लिमिठाना गाविस–३ का ३० वर्षिय कृष्ण परियारको भिरबाट लडेर मृत्यु भएको छ ।

कुश्मा नगरपालिका–९ भण्डारीटोल नजिकै गुहेखोलाको डिलबाट लडेर उनको मृत्यु भएको हो । झण्डै २ सय मिटर तल खसेर गम्भीर घाईते भएका परियारको उपचारका लागि पर्वत जिल्ला अस्पतालमा लगेको केहि बेरपछि मृत्यु भएको हो । उनलाई भिरमा अड्किएको अवस्थामा प्रहरीले उद्धार गरेको थियो । उनि सदरमुकाम कुश्माबजारमा मजदुरी काम गर्र्दै आएका थिए ।

    आइतवार दिउँसो एक्कासी डिलबाट लडेका उनलाई भिरको बिचबाट सहस्त्र प्रहरी बल र जिल्ला प्रहरी कार्यालय पर्वतको टोलीले उद्धार गरेको थियो । उद्धारपछि उपचारका लागि जिल्ला अस्पतालमा लगिएको केहि बेरपछि मृत्यु भएको जिल्ला प्रहरी कार्यालय पर्वतका प्रहरी निरिक्षक दिपक पातलीले जानकारी दिए ।
 उनको शब पोष्टमार्टमका लागि अस्पतालमै राखिएको छ । घटनाका बारेमा अनुसन्धान भैरहेको प्रहरीले जनाएको छ ।