एमालेको श्रमशिविर सुर्योदयमा
पर्वत,११पुस
चार महिना लामो जनपरिचालन अभियान शुरु गरेको नेकपा एमालेले पर्वतको कुश्मा नगरपालिका ४ खुर्कोटमा रहेको सुर्योदय प्राविमिा श्रमशिविर सम्पन्न गरेको छ ।
सुस्त मनस्थितिका बालबालिकाले अध्ययन गर्ने विद्यालय परिसरमा पर्खाल निर्माण गर्नका लागि श्रमशिविर संचालन गरेको हो । नेकपा एमाले पर्वतका जिल्ला कमिटि सदस्य शेषराज रेग्मीको नेतृत्वमा वडा कमटिले १० मिटर ढुंगा र २० मिटर बाँसको पर्खाल निर्माण गरेको बताइएको छ । सो अवसरमा रुद्र सुवेदी, घनश्याम भट्ट, सितल शर्मा, शिक्षक नेत्रनाथ रेग्मी, शिवनिधि रेग्मी, धर्मराज रेग्मी लगायतलको सहभागिता रहेको थियो ।