श्री सरस्वती निमाविको बार्षिकोत्सव सम्पन्न
पर्वत,पुस १०

श्री सरस्वती निमावि कुर्घा ८ लामे दुक्तानको ६६ औ बार्षिकोत्सव तथा अभिभावक समारोह विविध कार्यक्रमका साथ  सम्पन्न  भएको छ ।कार्यक्रममा वोल्दै भू पु विद्यालय व्यवस्थापन समितिका सदस्य गणेश क्षेत्रीले वालवालिका हरुलाई अभिभावकहरुले जाडो र गर्मि अनुसारका कपडाहरु र आवश्यक कापी ,कलम, दिवा खाजा व्यवस्थापन गर्नमा जोड दिनुभयो
त्यस्तै  कार्यक्रममा वोल्दै विद्यालय व्यवस्थापन समितिका अध्यक्ष यम वहादुर गुरुङले विद्यार्थीहरु विद्यालयमा मात्रै नभएर घरमा पनि अभिभावकको नियन्त्रणमा राख्नुपर्ने वताउनु भयो ।साथै अभिभावकहरुले वोडिङ् स्कुलहरुमा जस्तै गरी सरकारी विद्यालयमा पनि  विद्यार्थीका चाहना र आवस्यकता अनुसारका शैक्षीक सामाग्री व्यवस्थापन गरिदिएमा शैक्षीक उद्देश्य हाँसील गर्न सक्ने वताउनुभयो ।
कार्यक्रममा सामाजीक परीक्षण प्रतिवेदन शिक्षक हिमलाल शर्मा र विद्यालयको २०७२ । ७३ को आय व्यय विद्यालयका प्रअ डोलराज शर्माले प्रस्तुत गर्नुभएको थियो ।साथै विद्यालयका विद्यार्थीहरु सवीना गुरङ्ग,मनीषा शर्मा,कुशल शर्मा ,विवेक लामिछाने ,सन्ध्या थापा ,विन्दिया लामिछाने ,मोनिका क्षेत्री लगायतका विद्यार्थीहरुले वाल प्रतिभा गित,गजल, नृत्य प्रस्तुत गरेका थिए ।
 
विद्यालय व्यवस्थापन समितिका अध्यक्ष यम वहादुर गुरुङको अध्यक्षतामा सम्पन्न कार्यक्रमको स्वागत शिक्षककेशव प्रसाद शर्मा  पौडेल र संचालन विकास शर्माले गर्नुभएको थियो