जनशिक्षित माविको बार्षिकोत्सव
बागलुङ,पुस १०
जनशिक्षित मावि अर्जेवा बागलुङको ४१ औ बार्षिकोत्सव समारोह शनिवारदेखि शुरु भएको छ । पाँच दिन सम्म संचालन हुने बार्षिकोत्सवको विद्यालय व्यवस्थापन समितिका अध्यक्ष दलबहादुर थापा, अभिभावक, शिक्षक, तथा विद्यार्थीहरुले ४१ वटा दिप बालेर शुभारम्भ गरेका छन् ।

    कार्यक्रम अन्तर्गत नृत्य प्रतियोगिता, निवन्ध, लोकगीत, कविता तथा मावि स्तरिय हाजिरि जवाफ प्रतियोगिता रहेका छन् । त्यस्तै बलिवल प्रतियोगिता र विभिन्न राष्ट्रिय तथा स्थानिय कलाकारको उपस्थितिमा साँस्कृतिक कार्यक्रम समेत गरिने भएको छ । उद्घाटन कार्यक्रममा स्थानिय कृष्णबहादुर थापा, खगराज पौडेल, नगेन्द्र थापा, नरिश्वर आचार्य, यामबहादुर पुन, रामचन्द्र रेग्मी, गणेशबहादुर थापा लगायतले बोलेका थिए । विद्यालय व्यवस्थापन समितिका अध्यक्ष दलबहादुर थापको अध्यक्षतामा सम्पन्न कार्यक्रमको स्वागत शिक्षक नविन पौडेल र संचालन नारायण चालिसेले गरेका थिए ।