प्रचण्ड सरकार ‘कामकुरो एकातिर कुम्लोबोकी ठिमितिर’ ः
 बागलुङ,पुस १०

नेकपा (एमाले) का अध्यक्ष केपी शर्मा ओलीले सरकारले संसद्मा दर्ता गरेको संविधान संशोधन कुनै हालतमा पनि पास हुन नदिने बताएका छन् । संविधान संशोधन आम नेपालीको चाहाना नभई मुठ्ठिभरका व्यक्तिहरुको इशारामा ल्याईएकाले पनि कुनै  अवस्थामा पास हुन नसक्ने बताए ।

नेकपा (एमाले) बागलुङको आठौं जिल्ला अधिवेशनको शनिबार उद्घाटन गर्दै अध्यक्ष ओलीले संशोधन प्रस्ताव मुलुकको अहितमा रहको उल्लेख गर्दै जनताको चाहाना एकातिर सरकारको चाहाना अर्कोतिर भएको टिप्पणी गरे । उनले कामकुरा एकातिर प्रचण्ड सरका ठिमितिर हिडेको भन्दै चर्को आलोचना समेत गरेका छन् ।  ‘सरकारले ल्याएको संशोधन प्रस्ताव पारित हुँदैन, नेकपा (एमाले) ले कुनैपनि अवस्थामा प्रस्ताव पारित हुन्न दिँदैन ’ अध्यक्ष ओलीले भने ।

   पूर्व प्रधानमन्त्री समेत रहेका ओलीले संशोधन प्रस्तावका बारेमा संसद्मा छलफल समेत नहुने जिकिर गरेका छन् । देश र जनतालाई आघात पु¥याउने गरि संशोधन प्रस्ताव आएकोले त्यो नेकपा (एमाले) लाई मान्य नुहने बताउँदै प्रस्ताव फिर्ता लिएर चुनावको बातावरण बनाउन सरकारलाई आग्रह गरेकमा छन् ।

   राष्ट्रिय एकता खल्बलिने गरि नेकपा (एमाले) ले कसैसँग सम्झौता नगर्ने नेता ओलीले उल्लेख गरे । मुलुकलाई यथाशक्य छिटो निर्वाचनमा लानुपर्ने भन्दै नेता ओलीले संविधान संशोधनसँग निर्वाचनको कुनै सम्बन्ध नभएको तर्क गरेका छन् । सत्तापक्षीय दलहरुले संसद्को अवरोध हटाएर मतदानको प्रकृयामा आउन आग्रह गरेपनि नेकपा (एमाले) ले त्यसलाई नमान्ने उनको भनाइ छ ।

   अधिवेशनको उद्घाटनपूर्व शनिवारनै नेता ओलीले बागलुङको ढोरपाटन सिकार आरक्ष क्षेत्रको अवलोकन समेत गरेका थिए ।  सोमबारसम्म चल्ने अधिवेशनले नेकपा (एमाले) बागलुङको भावी नेतृत्व चयन गर्नेछ । अधिवेशनमा जिल्लाभरबाट ५ सय ९२ जना प्रतिनिधि सहभागी छन् । अधिवेशनले नयाँ नेतृत्व समेत चयन गर्ने भएको छ । अध्यक्ष पदका लागि हिरा केसी र इन्द्रलाल सापकोटाको चर्चा चलेको छ ।