ठेलाको व्यापारबाट मासिक डेढ लाख आम्दानी
पुस ८,म्याग्दी
सदरमुकाम बेनीको बसपार्कमा ठेलामा फलफूल व्यापार गर्दै आएका दोलखाका देवनारायण दाहालले दैनिक रु पाँच हजार आम्दानी गर्दैआउनुभएको छ ।

आठ वर्षअघि म्याग्दी छिरेका दाहालले यस व्यवसायवाट बेनीमा घडेरी किनी घरसमेत बनाउनुभएको छ ।विभिन्न किसिमका मौसमी तथा बेमौसमी फलफूलको व्यापार गर्दै आएका दाहाल अरु उठिनसक्दा फलफूल राखी ठेला धकेल्दै बसपार्कमा आइपुग्नुहुन्छ । “मासिक रु एक लाख ५० हजारसम्म आम्दानी हुन्छ,” उहाँले भन्नुभयो ।स्तै मङ्गलाघाटमा चनाचटपटे र कुखुराको खुट्टा, टाउकोलगायत परिकार बनाएर बेच्दै आएका ६० वर्षीय लालबहादुर पुर्जा ठेलाव्यापारबाट मासिक रु ६० हजारभन्दा बढी आम्दानी गर्नुहुन्छ । युवा अवस्था निकै कठिनसँग बिताउनुभएका पुर्जाको अहिलेको अवस्था भने निकै फेरिएको छ ।
सदरमुकामकै एउटा निजी विद्यालयमा मासिक रु चार हजारको जागिर खानुभएका पुर्जा पछिल्लो समय ठेलाव्यापारबाट मनग्य आम्दानी गर्दैआउनुभएको छ । “दैनिक रु दुई हजार ५०० देखि रु चार हजारसम्म कमाइ हुन्छ,” उहाँले भन्नुभयो । ठेलाव्यापारकै कमाइले उहाँले छोरालाई विदेश पठाउनुभएको छ ।