शैक्षिक सामाग्री वितरण
पर्वत,१ पुस

पर्वतको मल्लाज माझफाँट ६ मा रहेको समाजकल्याण आधारभुत विद्यालयका विद्यार्थीहरुलाई बिहीबार एक व्यक्तिले शैक्षिक सामाग्री सहयोग गर्नुभएको छ ।

माझफाँट ८ घर भई हाल पर्वत बेनी निवासी डम्मरबहादुर बिकले अभिभावक बिहीन अनाथ २४ जना बालबालिकालाई कापी, कलम लगायतका शैक्षिक सामाग्री वितरण गर्नुभएको हो । यसअघि ति विद्यार्थीहरुलाई गत बैशाखमा पोशाक, झोला र शैक्षिक सामाग्री सहयोग गर्नुभएका बिकले १०४ जना विद्यार्थीलाई बिहीबार एक दिन खाजाको व्यवस्था समेत गर्नुभएको थियो ।

उहाँले सोही अवसरमा विद्यालयलाई दश थान पलास्टीकको कुर्ची उपलब्ध गराउनुभएको छ । सो कार्यक्रममा विद्यालयको कक्षा व्यवस्थापन कार्यमा सहयोग गर्नुहुने ११ जना अभिभावकहरुलाई सम्मानपत्र वितरण गरिएको थियो ।

विद्यालय व्यवस्थपन समितिका अध्यक्ष सर्वणकुमार नेपालीको अध्यक्षता, प्रअ ओमबहादुर जिसीको सञ्चालन, रामबहादुर कार्कीको स्वागत र विद्याज्योती माविका स्रोत व्यक्ति शुभन्तनाथ सुवेदीको प्रमुख आतिथ्यतामा सम्पन्न कायृक्रममा रामबहादुर नेपाली लगायतले मन्तब्य व्यक्त गर्नुभएको थियो ।