शिक्षकलाई एकहप्ते आधारभूत कम्पयुटर तालिम
पर्वत,३० मंसिर
विद्यालयस्तरीय शिक्षालाई परिस्कृत गर्न भन्दै गुड नेवर्स इन्टरनेशनल नेपालको आर्थिक सहयोग तथा स्थानीय साझेदारी संस्था सोडेक नेपालको आयोजनामा एकहप्ते कम्प्युटर तालिम संचालन गरिएको छ । जिल्लाको भुकदेउराली गाविस वडा नं. १ शेराबेंसी स्थित नवज्योति थम माविका १३ जना तथा ग्रामोदय मावि भंगराका १ जना गरी कूल १४ जना शिक्षकलाई सो तालिम दिइएको हो । नवज्योति थम माविमा आधारभूत तालिम शुरु भएसँगै शिक्षकहरु निकै चासोका साथ माउस चलाउन र किबोर्ड खेलाउन अभ्यस्त बन्दै गइरहेका छन् । सहभागीहरु तालिम लिन पाएकोमा खुसी देखिन्छन् ।

कम्प्युटर शिक्षामा व्यवहारिक र जीपन उपयोगी भएकोले सबैले सिक्न जरुरी रहेको उनीहरुले बताए । ‘शिक्षककेन्द्रीत तालिम भएकाले छोटो समय भएपनि उपलब्धीमूलक भएको कम्प्युटर प्रशिक्षण दिइरहेका राजु पौडेलले बताए । ‘हामीले विगतका कयन् वर्ष अघिदेखि ग्रामीण दुरदराजका विद्यालय पहिचान गरी सीपमूलक शिक्षा उपलब्ध गराउने कुरामा साझेदारी बन्दै आएका छौं ।’ संस्थाका शिक्षा विकास अधिकृत ऋषिराम भुसालले भने–‘यस्तै सीपमूलक र व्यवहारिक शिक्षा अन्यत्रपनि उपलब्ध गराउने तयारी भइरहेको छ ।’ संस्थाले व्यवहारोपयोगी र गुस्तरीय शिक्षाका लागि विद्यालय केन्द्रीत कार्यक्रम गर्दै आइरहेको र भोलिका दिनमा पनि यस्तै कार्यक्रमहरुलाई निरन्तरता दिइरहने संस्थाका कार्यक्रम व्यवस्थापक देवीप्रसाद तिमिल्सिनाले जानकारी दिए ।

 मंसिर २३ गतेबाट शुरु भएको सो एकहप्ते तालिम २९ गते सम्पन्न भएको छ । सो तालिममा राजु पौडेल र गणेश पौडेलले प्रशिक्षण दिएका थिए । संस्था द्वारा ३० गते नै एक कार्यक्रमको आयोजना गरी विद्यालयलाई कम्प्युटर ल्याव सहित १२ थान कम्प्युटर समेत हस्तान्तरण गर्ने कार्यक्रम रहेको संस्थाले जानकारी दिएको छ ।

विद्यालय स्तरीय लोक गित प्रतियोगितामा भैण्डाडा आधारभूत विद्यालय प्रथम भएको थियो । कृषि मेला प्रदशनीमा कृषि कहरुलाई सम्मान गर्ने कार्यक्रम थियो । सिगाना गाविस सचिव लक्ष्मण पौडेलले यो कार्यक्रमलाई आगामी दिनमा समग्र सिगानाको कृषि क्षेत्रको प्रचार प्रसारमा हुने बताएका छन् ।