मानवअधिकार दिवस
मङ्सिर २६ , पर्वत
डिसेम्बर १० अर्थात् अन्तराष्ट्रिय मानवअधिकार दिवस । ६८ औं अन्तराष्ट्रिय मानवअधिकार दिवस शनिवार नेपालमा पनि विभिन्न कार्यक्रमगरी मनाइएको छ । “हाम्रो समाज हाम्रो सहभागीता, न्याय र विविधतामा आधारित हाम्रो समावेशिता” भन्ने नाराका साथ शनिवार मानवअधिकारको क्षेत्रमा कार्यरत सरकारी र गैरसरकारी संस्थाहरुले देशैभरी विविध कार्यक्रमको आयोजना गरी मनाएइका हुन् । यसैविच पर्वतमा पनि महिला हिंसा विरुद्धको १६ दिने अभियानको समापन तथा मानवअधिकार दिवस एकैसाथ मनाइएको छ ।महिला तथा बालबालिका कार्यालय, जिल्ला विकास समिति र कुश्मा नगरपालिकाको सहयोगमा जिल्लामा रहेका विभिन्न मानवअधिकारको क्षेत्रमा काम गर्दै आइरहेका ९ वटा संघसंस्थाले एकै साथ मानवअधिकार दिवस मनाएका हुन् । दिवसको अबसरमा मानवअधिकारको क्षेत्रमा काम गर्दै आइरहेका सरकारी तथा गैरसरकारी निकायहरुले अन्तरक्रियाको कार्यक्रम गरे मानवअधिकार दिवस तथा लैगिंक हिंसा विरुद्धको १६ दिने अभियान समापन गरिएको हो ।

कार्यक्रममा बोल्ने अधिकांश बक्ताहरुले जिल्लामा अझै पनि महिला हिंसा तथा मानवअधिकारको रक्षा हुन नसेकेको बताए । महिला हिंसा हुनु भनेकोनै मानव अधिकारको हनन् हुनु रहेको जिल्ला न्यायधिस मोहनराज भट्टराइले बताए । उनले मानव अधिकारको रक्षा भएमा हिंसा तथा विभेदको अन्त्य हुने बताए । महिलाहरु आर्थिक रुपमा सक्षम हुन नसक्नुले पनि हिंसाका घटनाहरु बढेको भन्दै महिला शसक्तिकरणको आवश्यकता रहेको उनले औलाए ।

 नेपालको संविधान २०७२ ले मौलिक हक र अधिकारको संख्या बढाएता पनि अझै नागरिकले उक्त हक र अधिकार प्राप्त गर्न नसक्नुमा अस्थीर राजनीति भएको बताए । प्रमुख जिल्ला अधिकारी शम्भू प्रसाद मरासिनीले मानवअधिकारको न्यूनतम मापदण्ड अनुसार नीति लागू हुने हो भने पनि हिंसा नहुने बताए । कार्यक्रममा बोल्ने अधिकांश बक्ताहरुले जिल्लामा रहेको मानवअधिकारबादी संघसंस्थाहरुले शुक्रबार प्रमुख जिल्ला अधिकारी मार्फत ज्ञापनपत्र बुझाउँदै प्रधानमन्त्रीको कार्यालय तथा प्रधानमन्त्रीको ध्यानाकर्षण समेत गरेका छन् ।