समाधीक्षकको भ्रमणको व्यवस्था गर्न माग
पर्वत २५मङ्सिर

अठ्सट्ठिऔँ अन्तर्राष्ट्रिय मानवअधिकार दिवसको अवसरमा पर्वतमा मानवअधिकारवादी संघ संगठनहरुले प्रमुख जिल्ला अधिकारी शम्भुप्रसाद मरासिनी मार्फत प्रधानमन्त्री दाहाललाई ज्ञापनपत्र बुझाएका छन् ।

ज्ञापन पत्रमा संयुक्त राष्ट्रसंघीय मानवअधिकार रक्षक सम्वन्धी विशेष समाधिक्षकाले नेपाल भ्रमण गर्न सरकारसँग पटक पटक अनुरोध गर्दा समेत बेवास्ता गरेको भन्दै उक्त भ्रमणको व्यवस्थागर्न आग्रह गरिएको छ । मानवअधिकार रक्षकसम्वन्धी समाधीक्षकलाई नेपाल भ्रमणको लागि औपचारिक निमन्त्रणा गरी मानवअधिकार रक्षकको अवस्था अनुगमनका लागि वातावरण तयार पार्न समेत सरकारसँग आग्रह गरिएको छ ।

पर्वतमा क्रियाशिल नागरिक समाजको सञ्जाल, जिल्ला बार ईकाई, इन्सेक, गैसस महासंघ, मानवअधिकार तथा शान्ति समाज, नेपाल पत्रकार महासंघ, नेपाल मानव अधिकार संगठन, शिक्षाका लागि राष्ट्रिय अभियान पर्वत र मानव अधिकार निगरानी समुह द्धारा संयुक्त रुपमा हस्ताक्षरित विज्ञप्ती बुझ्दै प्रमुख जिल्ला अधिकारी मरासिनीले उक्त ज्ञापन पत्र तत्काल सम्वन्धित निकायमा पु¥याउने प्रतिवद्धता जनाएका थिए ।