दाताको सहयोगमा भुकम्प प्रभावित विद्यालयको पुर्ननिर्माण
मङ्सिर ८ पर्वत
२०७२ साल वैशाख १२ गतेको भुकम्पले पुर्ण रुपमा भत्किएको यहाँको एक विद्यालय दाताको सहयोगमा पुर्ननिर्माण शुरु भएको छ ।
पर्वतको राम्जादेउराली गाविसमा रहेको पशुपती उच्च माविको भवनको पुर्ननिर्माण शुरु गरिएको हो । भुकम्पले विद्यालयका १६ वटा कक्षाकोठाा पुर्ण रुपमा भत्किएका थिए । भुकम्पले विद्यालयका सवै भवन भत्किएपछि खुल्ला आकासमुखि पढ्न बाध्य भएका विद्यार्थीहरुलाई भुकम्प प्रतिरोधी भवनमा राखेर पढाउने उद्धेश्यले १० कोठे दुई तले पक्की भवन निर्माण गर्न थालिएको हो । जिल्ला शिक्षा कार्यालय पर्वतको ४८ लाख, केयर फर नेपाल नामक संस्थाको ४९ लाख, तिनचुली नेपाल संस्थाको ३५ लाख र युनिसेफको ३५ लाख रुपैया तथा विद्यालयको २ लाख रुपैया गरी १ करोड ७० लाखको लागतमा पुर्ननिर्माणको काम शुरु भएको हो ।
अहिले भवनको निर्माण कार्य शुरु भएको छ । आगामी एक वर्ष भित्रमा सम्पन्न गर्नेगरी निर्माणकार्य शुरु गरिएको विद्यालयका प्राचार्य गोविन्दप्रसाद शर्माले जानकारी दिए । यस वाहेक भुतपुर्व विद्यार्थीले भुकम्प पछिको तत्काललाई अस्थायी टहरा निर्माण गर्न तथा फनिर्चर व्यवस्थापन र अन्य भौतिक पूर्वाधार निर्माण गर्नका लागि ४२ लाख रुपैया समेत संकलन गरेका छन् । पुर्ण रुपमा क्षति भएको विद्यालयमा अहिले अस्थायी टहरा तथा बाँकी रहेका भवनहरुलाई सामान्य मर्मत गरेर पठनपाठन संचालन गरिएको प्राचार्य शर्माले जानकारी दिए । कक्षा १२ सम्म पढाई हुने उक्त विद्यालयमा अहिले साढे पाँच सय विद्यार्थी अध्ययनरत रहेका छन् । उच्च माविमा मात्रै ९५ जना विद्यार्थी रहेका छन् । झण्डै ६ दशक अघि बनेका भवनहरु जीर्ण र गुणस्तरीय रुपमा निर्माण नगरिएका कारण पनि भत्किएका हुन् ।
आफुले दैनिकजसो पठनपाठन गर्ने विद्यालय बिनासकारी भुकम्पले भत्किएपछि मनोवैज्ञानिक असर परेका विद्यार्थीहरु भुकम्प प्रतिरोधी भवन निर्माण हुन थालेपछि हर्षित बनेका छन् । पछिल्लो समय युरोपियन यूनियन मानव सहायता परियोजनाको सहयोग तथा प्लान नेपाल र इन्प्रेड नेपाल पर्वतको सहयोगको समन्वयमा भुकम्प सुरक्षा सम्वन्धी सचेतना अभियान समेत संचालन भएको विद्यालयमा विद्यार्थी, शिक्षक तथा अन्य अभिभावकहरुको समेत समन्वयमा भुकम्प प्रतिरोधी भवन निर्माणकार्य थालिएको हो । भुकम्प सुरक्षाका कारण विद्यार्थी तथा शिक्षकहरु सुसुचित भैसकेको बेला विद्यालयमा निर्माण हुन थालेको भुकम्प प्रतिरोधी भवनले गाउँका अन्य वासीन्दाहरुलाई पनि सिकाई बन्न थालेका छ ।
शनिवारको दिन परेकाले मानविय क्षति हुन पाएन विद्यालय व्यवस्थापन समितिका अध्यक्ष यदुनाथ शर्माले भने विद्यालयमा भवन परिवर्तन गर्नुपर्ने नै थियो भुकम्पका कारण छिटै परिवर्तन गर्न अवसर जुट्यो । पुर्ननिर्माणका लागि विभिन्न दाताहरुबाट पर्याप्त सहयोग पाएपछि भुपु विद्यार्थीवाट संकलन गरिएको रकमले विद्यालयमा इलाईब्रेरी समेत संचालन गरिएको छ । विद्यार्थीहरुलाई कितावी ज्ञान मात्र नभई प्राविधिक र सूचना प्रविधिबारे पनि सुसुचित गराउने उद्धेश्यले झण्डै डेढ दर्जन कम्प्युटरबाट नियमित पठनपाठन शुरु गरिएको हो ।
पर्वतका झण्डै एक दर्जन विद्यालय भुकम्प वाट पुर्ण रुपमा क्षति भएको भएपनि आर्थिक अभावका कारण अन्य विद्यालयहरुभने पुर्ननिर्माण तथा मर्मत हुन सकेका छैनन । अधिकांस विद्यालयका विद्यार्थीहरु अहिलेपनि जोखिमपुर्ण अवस्थामा पढ्न बाध्य भएका छन् ।
