पुरुष दिवसमा स्केच प्रतियोगिता सम्पन्न

मङ्सिर ५ पर्वत

हामी सवैलाई वर्षेनि मार्च ८ को दिनमा नारी दिवस मनाउंदै आएको त जानकारी नै छ तर सन १९९२ देखि अन्तरराष्ट्रिय पुरुष दिवस समेत मनाउंदै आउन थालिएको छ ।
यसै क्रममा सीड नेपालको आयोजनामा देउपुर, देउराली र बाजुङमा फेबु्रअरी १९ अर्थात मंसिर ४ गते घरायसी काममा पुरुषको सहयोग शिर्षकमा स्केच प्रतियोगिता आयोजना गरि पर्वत जिल्लामा पहिलो पटक पुरुष दिवसलाई सम्झिने काम गरिएको छ ।
सोभियत संघमा पुरुषहरुको कामलाई समेत महिलाहरुको जस्तै स्मरण गर्नुपर्ने र मान्यता दिनुपर्ने अवधारण सहित प्रारम्भ भएको पुरुष दिवस त्यसपछिका वर्षहरुमा अन्य मुलुकमा समेत मनाउन थालिएको हो ।

यो दिवस महिला पुरुष समानताको प्रसंग वारे चर्चा गर्न, पुरुष तथा युवाहरुको अनुभव तथा सिकाई आदान प्रदान गर्न तथा समाजमा रहेका नमूना पुरुषहरु वारे चर्चा गर्नका लागि प्रभावकारी हुने गरेको छ । रेडियो कुशुममा अध्यक्ष एवम सीड नेपालका पूर्व अध्यक्ष गोविन्द पहाडीले जानकारी दिए अनुसार घरायसी काममा पुरुष सहयोग शिर्षकमा आयोजित स्केच प्रतियोगितामा ३ वटा समूहमा १५ जना युवाहरुको सहभागिता रहेको थियो