एक हप्ता भित्रनै दोबिल्ला फलेबास सडक खण्डको ग्राभेल गर्ने काम शुरु हुने

 मङ्सिर ४ पर्वत
बिल्ला फलेबास सडक खण्डको ग्राभेलको काम अब धमाधम थालिने भएको छ । गत भदौमा १६ सय मिटर कालोपत्रे सम्पन्न गरिसकेको भएपनि नाकाबन्दी र बिभिन्न अबरोधका कारण काम रोकिएको थियो । उक्त सडकको ट्रयाक खोल्ने र स्तरउन्नती गर्ने काम जारी रहेको र अबको एक हप्तामै ग्राभेल गर्न सुरु गरिने बताईएको छ । बिहिबार सडकको अबलोकन गर्ने पुगेका पर्बत क्षेत्र नम्बर २ का सांसद बिकास लम्साल समक्ष ठेकेदार निरकुमार शाहिले यहि बैशाख भित्रनै ग्राभेलको काम सकिने बताउनुभयो । अहिले ५० जना कामदारहरुले सडकको स्तरउन्नती र साईटको भाग कटिङ गर्ने काम गरिररेको भन्दै एक हप्ता भित्रनै थप ५० जना कामदार मगाएर आफुले ग्रभेलको काम शुरु गर्ने दाबि गर्नुभयो ।
उक्त सडक खण्डको काम तिब्र गतिमा हुने र बैशाख महिना भित्रमै सबैले ढुक्क संग सवारी साधन चलाउन पाउने उहाको प्रतिबद्धता समेत रहेको छ । सडकको निरिक्षण र अबलोकनको लागि पुगेको ठेकेदार, प्रोजेक्ट म्यानेजर, साईड इन्जिनियर र सडक डिभिजन संगै पुगेका लम्सालले सडकको काम तिब्र गतिमा बढेको र चाडै यस क्षेत्रका सर्बसाधारणले सहज यात्रा गर्न पाउनेमा आफु बिश्वस्त रहेको बताउनुभयो । आफु एक महिना पहिले आउँदा कुनै पनि काम शुरु नभएको र अहिले साइड कटिङ देखि लिएर सडकको स्तरउन्नती भएको देख्दा आफु अत्यन्तै खुसि भएको उहाले बताउनुभयो । ठेकेदार निरकुमार शाहिले बैशाख भित्रै काम सम्पन्न गर्ने प्रतिबद्धता समेत आफु समक्ष जनाएको भन्दै आफु समेत बैशाख भित्रै काम सम्पन्न हुनेमा बिश्वस्त रहेको उहाको भनाई छ ।
दोबिल्ला –फलेबास सडकको ग्राभेल र कालोपत्रे सम्पन्न हुना साथ मुडिकुबा, फलेबास तथा दक्षिणतर्फ वालिङ,हुबास ,त्रिबेणि,बाच्छा,रानीपानि तथा शालिग्राम सम्मको यात्रा सहज हुने छ । उक्त सडकको निर्माण कार्य २०५१ साल देखि शुरु भएको हो  ।