पर्वतमा दीर्घरोगीहरुको संख्या बढ्दै
पर्वत ,३मङ्सिर
दैनिक उपभोग्य खाद्य पदार्थ तथा तरकारीहरुमा अखाद्य तथा विषादी प्रयोग गर्ने क्रम बढेसँगै पर्वतमा दीर्घरोगीहरुको संख्या बढेको छ ।  दैनिक उपभोग गरिने खानपानमा सेचता फैलाउन नसक्दा र स्वयं उपभोक्ताहरुले स्वास्थको ख्याल नगर्दा  दीर्घरोगीहरु ह््वात्तै बढेका हुन् । जिल्ला स्वास्थ्य कार्यालयका अनुसार उपभोक्ताहरुले मिसावटयुक्त खाद्यपदार्थको सेवन गर्ने, प्राङ्गारिक भन्दा रासायनिक र विषादियुक्त तरकारीहरु बढी प्रयोग गरेका कारण रोगीहरु बढ्दै जान थालेको जनाएको छ ।
गत श्रावण महिनादेखि यता मात्र पर्वतमा झण्डै ४० जना दीर्घरोगीहरुले जिल्ला अस्पताल पर्वतबाट निःशुल्क उपचारका लागि सिफारिस लगेका छन् ।  जसमध्ये सबैभन्दा बढी क्यान्सरबाट पीडित विरामीहरु रहेका छन् । क्यान्सर पीडित  १८ जना मध्ये ५० वर्ष भन्दा बढी उमेर समूहका मानिसहरु रहेका छन् । त्यसैगरी मुटुरोगबाट पीडित १४ जना रहेका छन् । मुटुरोगीहरु प्रायजसो ३० वर्षदेखि ६० वर्ष भित्रको उमेर समूहका रहेका छन् । त्यस्तै यस आर्थिक वर्षमा जिल्लाभित्र ५ जना नयाँ मृगौला रोगीहरु भेटिएको जिल्ला अस्पताल पर्बतका निमित्त प्रमुख डाक्टर सरोज दहालले जानकारी दिनुभयो ।
उनीलाई सरकारले निःशुल्क डाइलोसिस गरिदिने भएपछि सोका लागि जिल्ला अस्पतालबाट सिफारिस लिएर सुविधासम्पन्न अस्पतालमा जाने गरेका छन् ।