रुग्ण उद्योगहरु संचालन गर्नु सरकारको प्राथमिकता रहेको उद्योगमन्त्री जोशीको भनाई
कार्तिक २१,पर्वत

उद्योग मन्त्री नविन्द्रराज जोशीले बन्द अवस्थामा रहेका उद्योगहरु सञ्चालनको तयारीमा सरकार लागि परेको बताउनुभएको छ । शनिवार साँझ पर्वत सदरमुकाम कुश्माबजारमा आयोजित अन्तरक्रिया कार्यक्रमा बोल्दै मन्त्री जोशीले औद्योगिक क्षेत्रको विकास बिना मुुलुकको आर्थिक विकास नहुने भएकाले सरकारले औद्योगिकरणको विकासलाई पहिलो प्राथमिकतामा रोखको बताउनुभयो ।

मन्त्री जोशीले अहिले बन्द अवस्थामा रहेका हैटौँडा कपडा कारखाना तथा नेपाल औषधी लिमीटेड सिघ्र सञ्चालनमा ल्याउने सरकारको तयारी रहेको पनि जानकारी दिनुभयो ।
मन्त्री जोशीका अनुसार २०६७ साल देखी बन्द अवस्थामा रहेको नेपाल औषधी लिमीटेडबाट पहिलो चरणमा जिवनजल, सिटामोल र एल्वेन्डाजोल उत्पादन गर्नेछ । यस्तै १७ बर्ष देखी बन्द अवस्थामा रहेको हेटौँडा कपडा उद्योग पनि सञ्चालनको तयारी गरिएको छ । उद्योगबाट पहिलो चरणमा नेपाली सेना, नेपाल प्रहरी, शसस्त्र प्रहरी, निजामती कर्मचारी र सामुदायीक बिद्यालयको विद्यार्थी पोशाक उत्पादन गरिने मन्त्री जोशीले जानकारी दिनुभयो । साथै विरगंज चिनी कारखाना र बुटवल धागो कारखाना सञ्चालनको लागि निजी क्षेत्रलाई दिने भएको छ ।

 कारखाना सञ्चालनको लागि टेन्डर आवह्न गर्ने तयारी भएको मन्त्री जोशीको भनाइ रहेको छ । साथै मन्त्री जोशीले स्थानीय रुपमा पाईने लोठ सल्लाको प्रर्वद्वन गरी वैदैशिक रोजगारीमा आकर्षित युवाहरुलाई रोक्न आग्रह गर्नुभयो ।
त्यसका लागि बिषेश कार्य योजना पेश गरे सरकारी तवरबाट आवश्यक सहयोग प्रदान गरिने बताउनुभयो ।
    सो अवसरमा पर्वतमा लप्सी र अल्लो उद्योगको सम्भावना रहेकोले सम्भाव्यता अध्ययन गरेर उद्योग स्थापना गर्नका लागि आवश्यक बजेटको व्यवस्था गरिने आश्वासन पििन दिनुभएको छ ।
    कार्यक्रममा पर्वत उद्योग बाणिज्य संघका अध्यक्ष हरिओम शर्मा लामिछानेले पर्वतमा औद्योगिक क्षेत्रको सम्भावना र पर्यटन व्यवासायको अवस्थाका बारेमा जानकारी गराउनुभएको थियो । उहाँले लप्सी र अल्लो उद्योगलाई तत्काल संचालन गर्नका लागि पहल गरिदिन पनि माग गर्नुभएको थियो ।