पर्वतमा पनि महाकवि लक्ष्मी प्रसाद देवकोटाको १०८ औँ जन्मजयन्ती मनाइयो
  कार्तिक १५,पर्वत
पर्वतको धाइरिड्डमा आइतबार एक कार्यक्रमका बीच महाकवि लक्ष्मी प्रसाद देवकोटाको १०८ औँ जन्मजयन्ती मनाइएको छ । स्थानिय भूमे साहित्य समाजको आयोजनामा धाइरिड्डको मिलनचोकमा लक्ष्मीजयन्ती मनाइएको हो । कार्यक्रममा धौलागिरीका अग्रज एवं नवश्रष्टाहरुको उल्लेख्य उपस्थिति रहेको थियो ।
कार्यक्रममा श्रष्टाहरुले महाकवि लक्ष्मी प्रसाद देवकोटाको तस्विरमा फूलमाला चढाइ देवकोटाप्रति श्रद्धासुमन एवं सम्मान प्रकट गरेका थिए । बाग्लुड्ड, पर्वत, म्याग्दी र मुस्ताड्डका विभिन्न श्रष्टाहरु सम्मिलित कार्यक्रममा महाकवि लक्ष्मी प्रसाद देवकोटाले नेपाली साहित्यको इतिहाँसमा पुर्याएको योगदानबारे चर्चा गरिएको थियो ।
यस्तै समाजले आज नै आफ्नो तेस्रो वार्षिकोत्सव कार्यक्रम तथा रचना वाचन कार्यक्रम पनि सम्पन्न गरेको छ । अञ्चलको एकमात्र ग्रामिण भेगबाट नियमित साहित्यिक पत्रिका प्रकाशन गर्दै आएको समाजले आर्थिक कठिनाइका कारण पत्रिका प्रकाशन बन्द गरिएपनि साहित्यिक गतिविधि भने गर्दै आइरहेको सदस्य सरोज आचार्यले बताउनुभयो ।
रचनावाचन कार्यक्रममा अग्रज श्रष्टा गणनाथ पौडेल, पर्वत साहित्य संगमका इन्द्रमान खत्री, म्याग्दी साहित्य परिषद्का धु्रवलाल शर्मा, अजय मिलन, म्याग्दी बहुमुखी क्याम्पसका सहायक क्याम्पस प्रमुख रेखा कौशल रेग्मी, नमुना उच्च मावि का उप प्राचार्य खेम चापागाइँ, श्रष्टा डण्डपाणी सापकोटा, बुलबुल साहित्यिक पत्रिकाका घायलश्री, पुलत्स्य साहित्य समाजका सुसन परियार, प्रवासी साहित्य मञ्जरी साउदी अरवका संस्थापक दिनेश शर्मा कल्पितलगायत २ दर्जनभन्दा बढि श्रष्टाले आफ्नो सिर्जना वाचन गरेका थिए भने धौलागिरी क्याम्पसका पूर्व क्याम्पस प्रमुख लक्ष्मी प्रसाद शर्मा पौडेलले रचनाहरुको विश्लेषण एवं पर्वत साहित्य संगमका अध्यक्ष राजेन्द्र पहाडीले भाषा र साहित्यको सम्बन्ध र भाषाको संरक्षणको बारेमा बोल्नुभएको थियो ।
समाजका अध्यक्ष राम्जी आचार्यको सभापतित्व एवं धौलागिरी बहुमुखी क्याम्पसका पूर्व क्याम्पस प्रमुख एवं सहप्रध्यापक लक्ष्मी प्रसाद शर्मा पौडेलको प्रमुख आतिथ्यतामा सम्पन्न कार्यक्रममा श्रष्टा अजय मिलन, पर्वत साहित्य संगमका अध्यक्ष राजेन्द्र पहाडी, श्रष्टा इन्द्रमान खत्री, म्याग्दी साहित्य प्रतिष्ठानका अग्रज साहित्यकार ध्रुवलाल शर्माले बदलिँदो साहित्य, साहित्य र भाषा, नेपाली साहित्यमा लक्ष्मीप्रसाद देवकोटाको योगदान आदिको विषयमा मन्तव्य राख्नुभएको थियो ।
कार्यक्रम भुमे साहित्य समाजका सदस्य वियोगी समुन्द्रको स्वागत मन्तव्यमा एवं श्रष्टा दीपेन्द्र सरकारको सञ्चालनमा सम्पन्न भएको थियो ।