भूकम्पले क्षति पु¥याएको विद्यालयको पुनःनिर्माण सुरु
कार्तिक १५ , म्याग्दी
उत्तरी म्याग्दीको पाखापानी गाविसमा सञ्चालित अमर माध्यमिक विद्यालयमा भवन पुनःनिर्माण सुरु भएको छ । गत वर्ष आएको विनाशकारी भूकम्पले क्षति पु¥याएको विद्यालयको भवन भत्काएर पुनःनिर्माणको काम सुरु गरिएको हो ।

    जिल्ला शिक्षा कार्यालय म्याग्दीको कुल रु ४८ लाखको सहयोगमा छ कोठे भवनको निर्माणकार्य अगाडि बढाइएको अमर मावि पाखापानीले जनाएको छ । भूकम्पका कारण भवन चर्किएर पठनपाठन क्रियाकलाप र कार्यालय सञ्चालन गर्न समस्या भएपछि उक्त भवन भत्काएर सोही ठाउँमा पुनःनिर्माण कार्य थालिएको विद्यालयका सहायक प्रधानाध्यापक डिलप्रसाद श्रेष्ठले बताउनुभयो ।चालु आव २०७३÷७४ मा भवनको निर्माणकार्य सम्पन्न गर्ने लक्ष्यसहित निर्माणलाई तीव्रता दिइएको सहायक प्रअ श्रेष्ठले बताउनुभयो ।    

सरकारले आधारभूत तहबाटै विद्यार्थीलाई कम्प्युटर शिक्षा प्रदान गर्ने घोषणा गरे पनि विद्यालयमा कम्प्युटर र इन्टरनेट नहुँदा थप समस्या झेल्नुपरेको बताइएको छ ।